BAGUIO CITY- Iyaw-awis ti Department of Environment and Natural Resources (DENR)-Cordillera ti panakipaset ti publiko iti selebrasyon ti Environmental Month inton Hunyo.
sigun kenni DENR-Cordillera Regional Executive Director Ralph Pablo, ado ti maipatungpal nga aktibidad iti nasao a selebrasyon.
Karaman ditoy ti Eagle Week inton Hunyo 4-9; World Environment Day inton Hunyo 5; orchestrated clean-up of Benguet rivers inton Hunyo 7; World Ocean Day inton Hunyo 8; Rivers for Life Week inton Hunyo 5-9; Philippine ; Arbor Day inton Hunyo 25 ken Culminating Activity inton Hunyo 30.
Guyguyogoyen met ni Environmental Management Bureau (EMB)-Cordillera Regional Director Ma. Victoria Abrera dagiti amin nga LGUs iti Benguet pakairaman ti Baguio City a makipasetda iti clean-up drive tapno ad-adda a mapasayaat ken madalusan ti aglawlaw.
Mapadpadaan metlaeng iti Environmental Month ti Kanshun di Cordillera wenno Environment Concert of Local Artist and Exhibit sadiay Malcom Square ken ti Launching ti Basura Buster Mascot inton Hunyo 17.
