Patien ni Senator Raffy Tulfo a naigagara a naidep ti Aircon ken Internet kabayatan ti panaggurayda iti isasangpet dagiti majority iti plenary hall idi Hunio 01, 2026.
Sigun kenni Sen. Tulfo, adda amin dagiti 11 a kameng ti minority iti plenary hall ken ur-urayenda ti majority.
Nupay kasta, kalpasan ti maysa nga oras, naobserbaranda a bimmara iti floor.
Ditoy metten a naduktalanda a naideppanda iti aircon.
Malaksid iti dayta, naideppan metlaeng dagitoy iti internet.
Maipalagip a naituding kuma nga isayangkat dagiti Senador ti session tapno pagsaritaanda ti pannakaamyendar ti pagannurutan seknan iti electronic voting.
Nupay kasta, saan a dimmar-ay dagiti majority agingga iti 7:00 p.m ita nga aldaw.
Sigun kenni Sen. Kiko Pangilinan, saan a mabalin nga agrugi ti session no awan ni Senate President Allan Cayetano a nangayab para iti session.
Amin dagiti 11 a minority block ket present ngem iti sidong ti pagannurotan ti Senado, saanda a mabalin nga ag-convene iti session a bukbukodda.
