Nagkiddaw ni Senador Rodante Marcoleta iti dispensar kadagiti media kalpasan nga inawaganna dagiti sumagmamano iti “paid hacks ” wenno mabaybayadan tapno mangpataud iti biased ken low-quality a report.
Iti maysa a press conference idi June 03, 2026, kinuna ni Sen. Marcoleta a pagbabawyanna ti kinunana.
Nupay kasta, impaganetgetna a ti kinunana ket resulta ti maipagarup a pannakaupay gapu iti nabannayat a panagrang-ay ti imbestigasion kadagiti flood control anomalies ken ti mapapati a saan a panangdakamat iti nagannda kadagiti sumagmamano a news report maipapan iti rally ti Iglesia ni Cristo idi Enero 2025.
Sigun iti senador, dimmar-ay ken maysa kadagiti uppat nga speaker iti nasao a rally ngem maatap a saan a nadakamat kadagiti sumagmamano nga articles iti diaryo.
“How come 11 reporters did not see me or hear me as though I did not exist?”- Sen. Marcoleta
Kabayatanna, kinondenar dagiti organisasion ti media ti statement ti senador ken inawaganda nga “irresponsible” ken “reckless attack” kadagiti media.
Inyebkas met ti Presidential Task Force on Media Security ti pakaseknanda ken kinunada a mabalin a mangdadael iti kredibilidad ti media ken mangpataud iti peggad kadagiti journalist ti kinuna ni Sen. Marcoleta.
Iti baet ti isyu, sumagmamano a senador ti nangidepensa iti media. Sigun kenni Senador JV Ejercito, saan a nainkalintegan ti pammabasol a mabaybayadan dagiti media.
Impaganetgetna a siguraduenna nga iti sidong ti panagtakemna iti Senado, masalakniban ti independensia ken integridad dagiti reporter nga ag-cover iti institusion.
