Nangipaay ti senado iti medal of excellence ken da Paris Olympics medalist Carlos Yulo, Nesthy Petecio ken Aira Villegas idi kalman.
Dagiti tallo a medalist kasta met dagiti daduma nga atleta a nakipaset iti kaleppas a Summer Olympics ket dimmar-ay iti senado tapno awatenda ti resolusyon a naipasa a mangbigbigbig kadakuada.
Nangipaay ti senado iti P3 million kenni Yulo gapu iti panangabakna iti dua a balitok a medalya, sag-P1.5 million tunggal medalya bayat a da Petecio ken Villegas ket naipaayan ti sag-P1 million.
Iti sabali a bangir, binigbig ti Senado ni Philippine Olympic Committee President Abraham “Bambol” Tolentino gapu iti “strong leadership” daytoy kadagiti atleta iti international competitions nangruna iti Olympics.