Nakipagladinget ni Senador Manuel “Lito” Lapid ken sigud a president Joseph “Erap” Estrada ita nga aldaw iti ipupusay ni National Artist Nora Aunor.
Inyebkas ni Lapid ti panakipagriknana, ken inladawanna ti pimmusay nga aktres kas silaw a nangiyeg iti nabalitokan a panawen dagiti pelikula a Pilipino.
Inladawanna pay ni Aunor kas maysa a tao a nangted iti timek kadagiti mairurrurumen.
Ni Aunor ket ti leading lady ni Lapid iti pelikula idi tawen 1980 a “Kastilyong Buhangin” ken “Gaano Kita Kamahal” idi 1981.
Kabayatanna, nakipagrikna metlaeng ni Estrada iti ipupusay ni Aunor, a kunana a ti ipapatayna ket saan laeng a pannakapukaw iti industria ti paglinglingayan no di ket iti sibubukel a pagilian.
Ni Estrada ket nadayaw a kas adigi ti lokal nga industria ti paglinglingayan sakbay ti panawenna iti politika.
Maipalagip a nakipagtrabaho daytoy kenni Aunor idi dekada 70, karaman ti pelikula a “Bakya mo Neneng” idi tawen 1977 ken “Erap Is My Guy” idi 1973.
