Binabalaw ni Senador Panfilo ”Ping” Lacson ti panggep ti National Bureau of Investigation (NBI) nga ipaawagda babaen iti subpoena ti asawa ni Senator Ronald Bato Dela Rosa tapno maamuwanda ti lokasyon ti senador.
Iti maysa a social media post, inawagan ni Senator Ping Lacson a ‘trabahong tamad’ ken indikasyon ti nakapoy nga intelligence work ti nasao nga addang.
Impetteng pay daytoy a saan a kasapulan nga iraman ti asawa ti senador a ni Nancy Dela Rosa iti panangbirok kenni Senator Bato.
“Please don’t do this. Aside from exposing your incompetence in intelligence work, harassing Senator dela Rosa’s wife to track him is unprofessional, ‘trabahong-tamad,’” pahayag ni Lacson sa post.
Immunan a dinakamat ni NBI Director Melvin Matibag nga adadalenda ti posibilidad a mangi-isyu dagitoy iti subpoena kenni Nancy Dela Rosa ken dadduma pay nga indibidual nga adda koneksyona kenni Senator Bato bayat iti imbestigasyon ken panangsarak kenkuana.
Inlawlawag met ni Matibag a ti dinakamatna a panangipaulog iti subpoena iti asawa ti senador ket paset laeng iti imbestigasyon seknan iti report a maatap a nangipatulod ni Nancy ti text message kenni Senate President Alan Peter Cayetano nga inmikaten ti nasao a senador iti pagilian idi Mayo 13.
Innayon pay ti nasao nga ahensya nga adadalenda ita nu naaramat laeng ti pinnaltog idiay Senado kas distraksyon tapno makatakas ni Senator Bato. //bombokaren.c.sapirao
