Nabutosan ni Senador Vicente “Tito” Sotto III kas baro a Senate President Pro Tempore iti special session iti Senado ita nga aldaw.
Ni Senador Panfilo “Ping” Lacson ti nangisingasing iti kandidatura ni Sotto, a sinuportaran iti amin dagiti senador a nakipaset iti plenario.
Nagsapata ni Sotto iti pagrebbenganna iti sangwanan iti baro a Senate President a ni Senador Sherwin Gatchalian.
Immunan a nagserbi ni Sotto kas Senate President sakbay daytoy a napapanaw iti puesto ni Senador Alan Peter Cayetano.
Naisayangkat ti special session iti pammilin ni President Ferdinand “Bongbong” Marcos Jr. tapno agtignay kadagiti prayoridad a singasing a linteg.
Nakipaset iti session ti sangapulo ket tallo a senador, karaman da Senador Gatchalian, Erwin Tulfo, Lacson, Lito Lapid, Chiz Escudero, Risa Hontiveros, Sotto, Bam Aquino, JV Ejercito, Kiko Pangilinan, Raffy Tulfo, ken Joel Villanueva.
