--Ads--
Inlawlawag ni Senate Secretary Renato Bantug a saanen a kasapulan ti travel authority dagiti senador manipod iti Senado para iti personal a panagbiaheda.
Daytoy ket kalpasan a naimatangan ni Senador Robinhood Padilla a kaduana ni Vice President Sara Duterte iti International Criminal Court idiay The Hague, Netherlands sakbay ti panagparan ni sigud a President Rodrigo Duterte iti pre-trial daytoy idi kalman.
Sigun kenkuana, kasapulan laeng ti travel authority nu official travel.
Kinunana a maiyaplikar daytoy kadagiti amin a kameng ti Senado ken empleyado gaputa naamyendaran ti Senate Policy Order on Foreign Travel idi tawen 2016 bayat ti panangidaulo ni sigud a Senate President Drilon.
