Imbutaktak ni Senate Minority Leader Alan Peter Cayetano a naikkaten iti referral system ti Department of Health (DOH).
Sigun iti Senador, naamuanna daytoy kasadagiti sumagmamano a gayyemna iti nasao nga ahensiya.
Gapu iti daytoy, saanen a maka-refer iti pasiente nga agkasapulan iti medikal a tulong kadagiti parapubliko nga ospital.
Malaksid iti dayta, nagpangta ni Cayetano iti DOH a no saan nga agurnos ti ahensiya intun Lunes wenno Martes ket iyegna amin dagiti kabagian dagiti pasyente tapno pirmaanda ti referral ken mataming dagiti pasiente.
Kabayatanna, binabalawna ni DOH Secretary Ted Herbosa gapu iti atapenna a panangpolitika.
Mainaig iti daytoy, inawagan ni Cayetano ni Senate President Sherwin Gatchalian kas sigud a chairman ti Committee on Finance, tapno siguraduenna a patas ti pannakaiwaras ti pondo ti gobierno.
