Naipasidung ni Senator Bato Dela Rosa iti protective custody ti senado kalpasan nga inaprubaran ti senado ti mosyon nga inpila ni Senator Rodante Marcoleta tapno maprotektaran ti nasao a senador kabayatan nga araramaten daytoy ti amin a legal remedy seknan iti kaso kontra kenkuana idiay International Criminal Court (ICC).
Sigun kenni Senator Marcoleta, rumbeng laeng a maprotektaran ni Sen. Dela Rosa kabayatan iti panangilaban daytoy iti karbenganna.
Sigun iti 1987 Philippine Constitution Article 6 Sec. 11 , saan a mabalin a maarestar ti maysa a senador kabayatan a mapaspasamak ti maysa a sesyon nu ti kaso ti suspek ket addaan pannusa nga innem a tawen a pannakaibalud.
Nupay kasta, sigun kenni Senator Trillanes IV, saan a kaya a protektaran ti nasao a constitutional provision ni Senator Bato Dela Rosa gapu ta “life imprisonment” ti pannusa ti crimes against humanity a sangsangwenna.
Maipalagip a namingsanen a naarestar ni Trillanes iti uneg ti senado. Nupay kasta, inlawlawagna a saan a maiyaplikar ti nasao a probisyon iti kaso na gapu ta ‘reclusion perpetua’ ti pannusana. //bombokaren.c.s
