Impeksa ni Senator Sherwin Gatchalian a panggep ni Suspended Bamban, Tarlac Mayor nga ibaw-ing ti atensyon manipud kenkuana rason a nadamagna nu apay a nakapokus la unay ti senado iti daytoy.
Sigun kenni Gatchalian, panggep dagitoy a tulungan ti pagilian nangruna kadagiti iligal nga aktibidad ti Philippine Offshore Gaming Operators (POGO) tapno maikkat dagiti tattao a mang-ab-abuso iti kinabileg dagitoy.
Kinuna pay ti senador nga aglaslastog ni Guo nangruna ket kanayun a likliklikanna dagiti imbitasyon ti senado kasta met a saan daytoy a makaipaay iti diretso a sungbat kadagiti damag kenkuana.
Maipalagip nga itay nabiit ket kinuwestionar ni Guo da Gatchalian ken Senator Risa Hontiveros nu apay a daytoy ti ik-ikkanda la unay iti atensyon iti laksid nga ado dagiti pakaseknan ti pagilian.
Kinuna met ni Guo a sitatalinaed daytoy iti pagilian ken posible nga atendaranna ti sumaruno a senate hearing.
