Binabalaw ni Senator Imee Marcos ti gobierno kabayatan ti rally nga insayangkat ti Iglesia ni Cristo iti EDSA-White planes idi June 30, 2026.
Iti panagbitlana, inladawan ti senadora ti agdama nga administrasion a kas iti natuturog gobierno ken nabartek iti turay.
Sigun pay kenkuana, awan ti bibiag ti gobierno iti rigat dagiti mannalon, mangngalap, ken dadduma pay.
Impettengna nga arigna ket saan a dengdenggen ti gobierno ti arungaing dagiti ordinaryo a tattao.
Kabayatanna, kinuwestiyonaran ti kabsat ti Presidente ti naituding a working visit ni President Marcos Jr. sadiay Canada manipud Hulyo 1 agingga 4.
Impetteng ni Senator Marcos a rumbeng nga un-unaen ti administrasyon dagiti karit iti uneg ti pagilian, karaman ti nangato a presyo ti lana ken kangrunaan a gagatangen.
Maipalagip a saan a daytoy ti umuna a gundaway a binabalaw ti Senadora ti administrasyon ti kabsatna.
Iti agdama, awan paylaeng ti komento ti Malacañang mainaig iti daytoy.
Kabayatanna, dimmar-ay metlaeng iti nasao a rally ni sigud a Senate President ken Senate Minority Leader Alan Peter Cayetano.
