Dinepensaan ni Senator Robinhood Padilla ti kaduana a senador a ni Senator Ronald Bato Dela Rosa kalpasan a damagen ti media daytoy seknan iti mapapati a panaglemmeng ti nasao a senador iti baet ti arrest warrant nga inpaulog ti International Criminal Court (ICC) kontra kenkuana.
Sigun kenni Senator Padilla, saan a kayat ni Senator Bato a makidnap.
“Basta ako si Bato ayaw niyang makidnap,” sigun kenni Senator Padilla.
Kagiddan dayta, nagkedked ni Senator Padilla a kumpirmaren no daytoy mismo ti nagmaneho iti lugan a nangilugan kenni Senator Bato Dela Rosa paruwar iti senado.
Pinaglibakan pay daytoy dagiti damag a naimatangan ti Senator Dela Rosa idiay Ninoy Aquino International Airport wenno inmikat daytoy babaen iti yate.
Sigun kenni Senator Padilla, saan nga agpakita ni Sen. Dela Rosa kadagiti nasao a public places nu adda planona nga rumuwar iti pagilian.//bombokaren.c.s
