BAGUIO CITY – Malamlamayan ita ti maysa a senior citizen kalpasan a nagaburan iti panagreggaay ti daga sadiay Cotcot, Poblacion, Kabayan, Benguet idi rabii.
Nabigbig daytoy a ni Ernesto Toali Ananayo, 66-anyos, residente ti nasao a lugar.
Maibasar iti report, naudi a nakita ti biktima nga agsaysayo ken agar-aramid ti kabite iti igid ti karayan.
Nupay kasta, agarup 8:30 idi rabii idi naireport iti istasyon ti pulisya a mapukpukaw daytoy.
Dagus a nangisayangkat ti search and retrieval operation dagiti pulis ken bombero, pakairamanan ti Municipal DRRM Counil ken dagiti maseknan nga umili.
Nasarakan ni Ananayo iti agarup 9:55 ti rabii, no sadino, nagaburan ti daga ti paset ti bagi daytoy.
Naitaray daytoy iti Rural Health Unit ti Kabayan, Benguet ngem naideklara a dead on arrival.
