Adu dagiti maragsakan a turista ken bisita iti konsepto ti Session Road Sunday Pedestrianization wenno ti panakaiparikep ti agsinnumbangir a kalsada ti lower ken upper session road tunggal aldaw ti Dominggo.
Kagiddan dayta, adu metlaeng a motorista ken umili ti saan a pabor iti daytoy gapu iti maituntundana a nailet a gunay ti trapiko.
Malaksid nga awan ti coding iti weekend,mairanrana pay ditoy iti panagsangpet ti adu a bilang ti turista apaman a sumangbay iti holidays ken weekend.
Nupay kasta, adu met latta iti maragsakan iti daytoy gaputa maysa daytoy a wagas a makatulong iti mental health nangruna ta daytoy ket maysa a platform ti entertainment.
Babaen iti daytoy a panakairikep ket adu dagiti buskers ken cosplayers ti maipapaayan ti gundaway tapnu kumita babaen kadagiti donasion nga ipapaay dagiti bisita.
Ditoy met a maaddaan dagiti pamilya, mapaturista wenno bisita nga agfamily bonding babaen kadagiti nagduduma nga activities ditoy kas ti chalkart ,mini concert dagiti banda ,agbuya kadagiti pakatawa ni Green soldier a mime artist ken daduma pay.
Maipalagip nga immunan nga ada dagiti sumagmamano a reklamo maipapan ti daytoy gapu iti epekto na ti traffic ngem maibasar ti datus ket adu met ti natulungan daytoy maipapan iti panagsangbay ti turista.
Maudi iti dayta, nasken latta nga agtuloy ti panagadal maipapan iti daytoy gaputa nasken nga maikonsidera iti nasaysayaat wenno napinpinstas nga epektona ti siudad iti baet ti kritisismo dagiti sumagmamano.//Bombo Razced Pagoli
