Inaklon ni PBGen David Peredo Jr., Regional Director ti Police Regional Office-Cordillera nga alrming ken concerning ti mapaspasamak iti probinsya ti Abra kagiddan iti nagsasarunu a pammaltog ken pammapatay sadiay bayat iti election campaign period.
Inaklonna metlaeng a ngimmato ti kaso ti shooting incident sadiay no sadino ket kadagiti dua a nagsarunu a bulan ti enero ken pebrero ket innem laeng ngem idi marso ket ngimmato iti 14 agingga iti 17 incident.
Impeksana a nalabit nagkurang dagitoy iti adjustments ngem nag-augment dagitoy iti agrup 200 troops a tumulong iti pannaka-ipaay ti seguridad sadiay.
Imbinglayna pay nga agtultuloy ti enhancement kadagiti inisyatibo dagitoy tapnu mapagtalinaed ti kinatalna iti nasao a probinsya.
Kinunana pay a walo dagiti suspected shooting incident ti adda pakainaganna iti election ngem dua kadagitoy iti nakumpirmar bayat a dagiti innem ket maipasidung iti re-evalution.
Daytoy ket gaputa dagiti dadduma nga insidente ket napasamak kadagiti pagtaengan gapu iti panag-inom ti arak a nangitunda iti panag-aapa bayat a dagiti dadduma ket gapu iti love triangle, land dispute ken panagbales.
Gapu iti dayta, agkidkidaw iti tulong ti Regional Director kadagiti residente ti nasao a probinsiya a tumulongsda nga agipaay iti impormasyon ken agbalin a witness.//Bombo Noveh Organo
