Naarestar ti maysa nga indibidwal bayat ti naipatungpal a buy-bust operation idiay Sitio Sayangan, Paoay, Atok, Benguet idi laeng January 14, 2025.
Ti suspect ket agtawen iti 43, naasawaan, mannalon ken residente iti Sayangan, Paoay, Atok, Benguet.
Kiniddaw ti pamilyana a saanen madakamat ti naganna gapu iti epekto daytoy kadagiti annakda.
Ti suspect ket siguden a drug surrenderer rason a naibilang daytoyen kas High Value Individual.
Nakumpiskar manipod kenkuana ti maysa nga heat-sealed transparent plastic sachet a naglaon iti maatap a shabu nga addaan iti Standard Drug Price a PhP4, 760.00.
Malaksid iti dayta, nakumpiskar metlaeng manipod iti suspect dagiti daduma pay a non-drug evidence.
Iti agdama, naipiman ti suspect ken dagiti nakumpiskar a drug ken non-drug evidence manipod kenkuana iti Atok Municipal Police Station.//Bombo Jerwin Aquino
