--Ads--
Nakemmeg ti sigud a drug surrenderer ti Abra babaen iti naisayangkat a drug-buy bust operation sadiay Zone 7, Bangued, Abra itay laeng nabiit.
Nabigbig ti suspek a ni Reynaldo Pensayo, 47-anyos ken residente ti Padangitan, Danglas, Abra.
Iti naisayangkat nga operasyon, nakumpiskar kenkuana ti dua a pakete a naglaon iti maatap a shabu, drug paraphernalia, kutsilyo ken one thousand pesos a boodle money.
Maibasar iti rekord ti Bangued PNP, immunan a simmuko ti suspek iti Oplan Tokhang ngem naduktalan dagiti otoridad a nagsubli daytoy iti panagaramat ken panagilako iti iligal a droga.
Sumangsango itan ni Pensayo iti kaso a panaglabsing iti Comprehensive Dangerous Drugs Act of 2002.
