BAGUIO CITY – Nasuroken iti 100 dagiti sigud ken kameng ti komunista wenno ken terorista a grupo ti balligi a simmuko wenno nagsurrender kadagiti otoridad iti probinsia ti Abra.
Sigun kenni Abra PPO-Public Information Officer PCapt. Edwin Sergio, manay-nayunan dagiti simmuko ken naguyuguyda miembro dagiti communist front organizations (CFOs) nga agusbli iti sidong ti gobierno.
Gapu daytoy ti agtultuloy a suportada iti Whole Nation Approach a programa ti gobierno babaen ti implementasyon ti National Task Force to End Local Communist Armed Conflict .
Pakairamanan ditoy ti programada nga “Dumanon,Makitungtong” a buklen dagiti militar, suldado ken maskenan nga ahensia nga agturturong kadagiti munispyo ken barangay sadiay tapnu manayunan dagiti ma-allukoyda nga terorista wenno komunista a grupo wenno indibidual.
Mainaig pay iti dayta, dumanon met iti 28 nga indibidual wenno drug personalities ti nakemmeg dagitoy kalpasan ti 22 nga anti-drug operation nga impatungpal ti Abra PNP.
Imbinglayna nga moderate itan ti presensia wenno panagaramat ti iligal a droga iti probinsia kagiddan ti nairtengan nga panagwanawan dagitoy.
Malaksid iti dayta, banbantayanda met dagiti babbarangay a nakailistaan dagiti sumagmamano nga agar-aramat iti iligal a droga.
Nupay kasta, imapalagipna nga sipod nangrugi ti kampanya kontra iti iligal a droga ket naideklara kas drug free ti 303 wenno amin nga barangay iti probinsia ti Abra. //cgd
