BAGUIO CITY – Agtultuloy nga itantandudo ti maysa a sigud a Mix Martial Artist ti kultura ti Cordillera babaen kadagiti nagduduma a proyektona iti panagpinta.
ti interview ti Bombo Radyo kenni Harold Banario wenno paga-ammo kas Igorot Artizan, imbinglayna a nangrugi daytoy nga agdrawing idi kaubingna paylaeng agingga a naduktalanna ti talentona iti panagpinta babaen iti tulong ti maysa nga artist.
Sigun kenni Harold, nagrugi a limmatak dagiti obrana idi tawen 2023 no sadino adda dagiti interesado nga indibidual manipud Washington, Estados Unidos, United Kingdom, Texas ken dadduma pay a pagilian iti ballasiw-taaw a gimmatang kadagiti artworksna.
Kadawyan kadagiti pinta ti nasao nga artist ket addaan gatad a dumanon iti P3,500 aginga P250,000.
Ti gatad ti obrana ket nakadepende no anya ti subject ken technique nga aramatenna.
Iti agdama, panggep ni Harold nga ituloy ti passion daytoy iti panagpinta no iti panagituloyna iti karerana iti Mix Martial Arts (MMA).//Bombo Marielle Apat
