Impakaammo ti kampo ni sigud a president Rodrigo Duterte a ni President Ferdinand Marcos, Jr. ti panangpundo dagiti testigo kontra kenkuana iti International Criminal Court (ICC).
Sigun met kenni lead defense lawyer Nicholas Kaufman, agtaltalinaed a positibo ni sigud a president Duterte iti taray ti kaso daytoy numan pay adda ti pisikal a rikriknaen daytoy iti uneg ti Scheveningen prison complex.
Naituding met nga ipresenta ti depensada ti merits iti hearing ita nga aldaw, Pebrero 26.
Kabayatanna, inaprobaran ti Pre-Trial Chamber (PTC) I ti kiddaw ni sigud a president Duterte iti Pre-Trial Chamber (PTC) a saanpay a dumar-ay iti hearing nu bigat, Pebrero 27 ken saan metlaeng a makipaset babaen iti video conference.
Inpila ti kampo ni sigud a president Duterte ti waiver idi Lunes, Pebrero 23, no sadino kiniddawda a saan a dumar-ay ni Duterte iti hearing ket italekna kadagiti legal representatives na ti kaso na iti nasao a korte. //BomboKCS
