--Ads--
Binalakadan ni sigud a president Rodrigo Duterte ti inaudi nga anakna a ni Veronica “Kitty” Duterte nga agadal a nasayaat ket sumurut iti addangna.
Daytoy ti kinuna ti partner ni Duterte a ni Honeylet Avanceña kabayatan ti Miting De Avance ti maysa a partido iti Philippine Arena sadiay Bulacan idi kalman ti rabii.
Nagsao ti agtawen ti duapulo ket maysa a ni Duterte iti entablado nu sadinno, kinunana a saanna a panggep a serken ti politika ngem gapu iti kaudian a pannakatiliw ti tatangna ket nagbaliw ti kapanunutanna.
Kabayatanna, kiddawna kadagiti agtutubo a Pilipino nga agbotos a nalaing babaen ti panangipaganetgetna a ti masakbayan ti nasion ket adda iti ima ti tunggal Pilipino.
