--Ads--
Nakemmeg manen ti sigud a pulis iti maikatlo a gundaway gapu iti maatap a pannakairamanna iti “illegal drug trade” iti ima dagiti otoridad idiay Cagayan de Oro.
Nakumpiskar manipod kenkuana ti sachets a maatap a shabu nga agdagsen ti nasurok maysa a kilo ken aggatad ti dandani sangapulo a milyon pesos.
Malaksid kenkuana, nakemmeg metlaeng ti kaduana.
Impakaamo dagiti kameng ti pulisia a ti wagas ti suspek ket panawanna ti package a naglaon ti iligal a droga iti kalsada, alaanna ti ladawan ti package, ken ipaayna ti ladawan iti kliyentena tapno dagos nga apan alaen ti kliyente ti package.
Sigun kadagiti otoridad, naikkat ti sigud a pulis iti serbisio idi tawen 2017.
Iti agdama, nakabalud ti dua iti nasao a lugar.
