Inrekomendar ni sigud a Senator Antonio Trillanes IV nga idauloan ti National Bureau of Investigation (NBI) ken Criminal Investigation and Detection Group (CIDG) ti imbestigasyon seknan iti napasamak a panagpinnaltog iti uneg ti senate building iti Mayo 13.
Sigun kenni Trillanes, adda ti kabaelan ken resources dagiti nasao nga opisina a mangisayangkat iti nauneg nga imbestigasyon iti aktwal a napasama.
Sigun kenkuana, iti baet ti kinapudno a tao ti National Bureau of Investigastion ti karaman kadagiti nagpaputok, mapagnamnamaan latta ti nasao nga opisina a mangipatungpal iti impartial investigation iti tulong metlaeng ti CIDG.
Innayon pay daytoy nga awan ti kapasidad ti Office of the Sergeant-At-Arms a mangipatungpal ti imbestigasyon seknan iti napasamak nu kasbilang dutokan daytoy ti senado nga agimbestiga.
Patien metlaeng ti senador nga kasapulan nga adda ti sumungbat iti panagruar ni Senator Bato Dela Rosa manipud iti senate premises iti baet ti pannakaipasidung daytoy iti senate custody no sadino sigun kenkuana, pakairaman kadagioy sa Senate Presiden Alan Peter Cayetano, OSAA, ken dadduma pay nga adda ammona iti panagruwar ti nasao a senador. //bombokaren.c.s
