Inakusaran ni sigud a Senator Antonio Trillanes IV ni Vice President Sara Duterte ken ti asawa daytoy a ni Atty. Manases Carpio.
Sigun kenni Trillanes, immawat ti agassawa iti P150 million ken P319 million iti nagduma nga organisasyon.
Inpresenta ni Trillanes dagiti ebidensiya a naituding nga iparangna iti impeachment court sakbay nga inikkat ti prosekusyon kas testigo.
Sigun kenni Trillanes immawat ni VP Sara iti P150 million manipud iti embahada ti People’s Republic of China bayat nga immawat ni Carpio iti P319 million manipud iti gobierno ti China babaen iti kompanya daytoy.
Impeksa ti sigud a Senador a daytoy ti wagas ti China iti panangipaayda iti suporta iti agasawa a Duterte.
Innayon pay ti sigud a mammanday linteg a saan nga indeklara ni VP Sara Duterte ti peso, dollar time deposit ken insurance daytoy iti Statement of Assets, Liabilities, and Net Worth (SALN).
Mainaig iti dayta, inlawlawag ni Trillanes a daytoy ti nangikeddeng a maikkat kas testigo iti impeachment trial ti bise presidente.
Kabayatanna, binabalaw ni Trillanes ni impeachment presiding officer Chiz Escudero gapu iti estilo ti panangiggem daytoy iti proceedings no sadino, inawaganna a rumbeng nga agbalin ni Escudero nga ad-adda a liberal.
Inwaksi met ni spokesperson Regie Tongol ti kinuna ni Trillanes a saan a welcome, agsipudta natrato daytoy kas bisita idi dimmar-ay iti nasao nga impeachment trial.
