--Ads--
Nanaganan ni sigud a UnionDigital Bank president ken chief executive officer (CEO) Henry Rhoel Aguda kas baro a secretary ti Department of Information and Communications Technology (DICT).
Daytoy ket kalpasan ti personal a panangdutok ni President Ferdinand Marcos Jr. kenkuana kas kasukat ni sigud a secretary Ivan John Uy a nagresign iti nasao a pwesto ita a bulan ti Marso.
Ni Aguda ket sigud a paset ti Private Sector Advisory Council (PSAC) ken addaan daytoy iti kapadasan iti banking, technology ken iti telecommunications sectors.
Kabayatanna, awan ti naipakaamo a rason iti panaglusolus ni Uy iti nasao a posisyon.
