--Ads--
Kiniddaw ni Senate Deputy Minority Leader Rodante Marcoleta iti Senate blue ribbon committee nga imbetiranda ni sigud nga Speaker ken Leyte Rep. Martin Romualdez intun sumaruno a panagdengngeg ti naanomalyaan a flood control projects.
Sigun kenni Senador Marcoleta, posible nga ammo ti sigud a House Speaker dagiti mastermind.
Innayonna pay a nakasagana nga agsao ni Romualdez kadagiti ammonna maipapan iti flood control controversy.
Gapu iti dayta, impetteng ti senador a rumbeng a maimbitaran ti sigud a House Speaker.
