![](https://img.bomboradyo.com/baguio/2021/08/COMELEC-Baguio-on-vaccination-sites-10.jpg)
BAGUIO CITY – Saan a kankanunungan ti COMELEC-Baguio ti gakat a mangkidkiddaw iti panakakanselar ti barangay ken sk elections a naituding inton Disyembre 5.
Iti interview ti Bombo Radyo Baguio, inaklon ni Atty. John Paul Martin, Election Officer ti COMELEC-Baguio, nga adda ti bileg ken otorisasyon ti kongreso a mangkanselar iti nasao eleksyon.
Nupay kasta, impeksa ti opisyal a ti eleksyon ket regular ken periodic isut gapuna a ti naituding nga iskidyul ket rumbeng koma a masurot ken saan a maitantan.
Kabayatanna, impetteng pay a ni Atty. Martin a nu makanselar manen ti Barangay ken SK elections ita a tawen ket arigna a maikkatan iti karbengan dagiti umili nga agdesisyon nu masukatan wenno saan dagiti agturturay nga opisyales iti agdama.
Maipalagip nga idi 2018 ti naudi a Barangay ken SK Elections nu sadino nakanselar daytoy idi napan a tawen gapu iti COVID-19 pandemic.