BAGUIO CITY – Maramrambakan ti Pride Month ita a bulan ti Hunyo no sadino makikaykaysa ti siudad iti nasao a selebrasyon.
Ti Pride Month ket para iti panakaitandudo dagiti LGBTQIA+ ken bulan tapno mabigbig dagiti identidad, rights ken kontribusyonda.
Immunan a naangay ti kick-off ti Pride month sadiay Burnham Park idi umuna nga aldaw ti agdama a bulan bayat a napasamak ti LGBTQ Regional session ita nga aldaw.
Dagiti mapadpadaanan met nga aktibidad ket ti “Seshyhan: Discussion on Pride Militant History” wenno maysa nga open-to-public forum inton Hunyo a syete; Mural painting inton Hunyo a dose; Pride March ken closing program inton Hunyo baente otso ken LGBTQ Outreach Program inton Hunyo baente nuebe.
Kabayatanna, dagiti daduma pay nga aktibidad ket ti Preliminaries para iti Miss Trans Global Philippines 2025; Queer Film Festival; Bguio Doll NatCos Competition; Pride Photo Exhibit and Fair; Battle of the Starzz ken daduma pay.
Gapu iti dayta, makidkiddaw ti panakikaykaysa ti tunggal maysa iti maysa a bulan a selebrasyon ti Pride Month.
