--Ads--
BAGUIO CITY – Natiliw ti maysa a Sangguniang Kabataan (SK) chairman a nakalista a High Value Individual (HVI) drug personality iti buy-bust operation sadiay Betag, La Trinidad, Benguet, rabii ti May 14, 2021.
Nabigbig daytoy a ni Jhony Titiwa Palsa-en, 23-anyos, tubo ti Palina, Kibungan, Benguet.
Nakumpiskar kenkuana ti tallo a pakete ti maatap a shabu nga agdagsen ti 0.8 gram.
Narekober met kenkuana ti naaramat a buy-bust money.
Sumangsango metten daytoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
