Nasayaat itan ti kasasaad ni Slovak Prime Minister Robert Fico.
Kasaruno paylaeng ti panagpalapltogda kenkuana idi kalman, Mayo a kinse, kalpasan a pimmanaw daytoy manipod iti panagtaripnong dagiti opisial iti gobierno.
Naminlima a daras a napaltugan ti agtawen ti lima pulo ket siam a ni Fico bayat ti panagruarna nu sadinno, adda iti kritikal a kondision ken naipasidong iti opersaion kalpasan ti sumagmamano nga oras idi malem iti Miyerkules.
Sigun kenni Slovak Deputy Prime Minister and Environment Minister Tomas Taraba, naklaatda iti napasamak, nupay kasta, kinumpirmarna nga agpapaimbagen daytoy iti pag-agasan.
Maibasar iti rekord dagiti doctor, napuntaan ti tiyan ni Fico bayat a ti maysa a bala ket ti naitama iti tumengna.
Immunan a kinuna ni Defencse Minister Robert Kalinak a nagsagrap ni Fico iti “serious polytrauma” kalpasan iti sumagmamano a nasagrapna a bala.
Itay laeng nabiit, kinuna gamin ni Interior Minister Matus Sutaj Estok nga adda iti napeggad a kasasaad ti biag ni Fico bayat nga agtaltalinaed daytoy iti operating room.
Maipalagip a maysa ti Slovakia a miembro iti NATO ken European Union nga addaan iti pakasaritaan iti “political violence” wenno kinaranggas.
Nupay kasta, kinondenar da Russian President Vladimir Putin ken U.S. President Joe Biden ti nasao a pammaltog iti nasao nga opisial.
