Impakaamo ni Senator Francis “Kiko” Pangilinan a kayatda nga agbalin kas Senate president ni Senator Sherwin “Win” Gatchalian.
Sigun kenni Pangilinan, amin nga SB-11 wenno Solid Bloc 11 ket suportadoda nga agsebi kas Senate President ni Senator Gatchalian.
Impetteng ni Sen. Pangilinan a pinaneknekan ni Sen. Gatchalian iti deliberasion ti 2026 national budget a kabaelanna a protektaran ti kuarta ti publiko.
Maipalagip a nagserbi ni Gatchalian kas Senate Committee on Finance ngem sinukatan ni Senator Mark Villar ita a bulan.
Dignidad ken imahe ti Senado, apektado iti napasamak a tension – Senator Gatchalian
Impaganetget ni Senator Sherwin Gatchalian a kasapulan ti nalawa a panangurnos iti Senado, nangruna iti imahe daytoy.
Kasaruno daytoy iti napasamak a tension iti Senado idi May 13 ken 14, 2026.
Sigun kenni Sen. Gatchalian, nagbalin a pagkakataawan ken adu ti naawat a pammabalaw ti Senado.
Gapu iti dayta, impettengna a rumbeng a mabaliwan ken ipaayan ti tension dagiti agdama a liderato ken ti siasino man a mangidaulo iti Senado.
Kabayatanna, inaklon ti nasao a Senador nga apektado ti dignidad ken imahe ti Senado gapu iti tension a napasamak iti Senado.
Sigun iti Senador, in-intut a malawlawagan ti imbestigasion iti napasamak a pamaltog iti Senado ken rumbeng a mairuar ti aktual a napasamak.
Inyunay-unay ti opisial a rumbeng a masigurado a saan a maulit ti insidente, tapno maprotektaran ti imahe ken integridad ti Senado.
