Nangideklara ti emergency martial law ni South Korean President Yoon Suk Yeol ita nga aldaw ti rabii bayat ti night address broadcast live daytoy iti maysa a telebision.
Daytoy ket tapno masalakniban ti nasao a pagilian manipod iti North Korea “communist forces.”
Sigun kenni Yoon, awanen ti pagpilianna nudiket ti agaramid ti wagas tapno pagtalinaeden ti wayawaya ken urnos ti konstitusion.
“I declare martial law to protect the free Republic of Korea from the threat of North Korean communist forces, to eradicate the despicable pro-North Korean anti-state forces that are plundering the freedom and happiness of our people, and to protect the free constitutional order.”
South Korean President Yoon Suk Yeol
Dinakamat ni Yoon ti mosion ti oposision ti pagilian a Democratic Party, a kaaduan kadagiti nakatugaw iti parliament, a mang-impeach iti sumagmamano kadagiti “top prosecutors” iti nasao a pagilian ken ti panangkedkedda iti singasing ti badyet ti gobierno.
