--Ads--
BAGUIO CITY – Natiliw ti maysa nga street level individual (SLI) drug personality iti buy-bust operation sadiay Poy-oc, Guinaoang, Mankayan, Benguet idi laeng nabiit.
Nabigbig daytoy a ni Jordan Briones Dapnisan, 31-anyos, mannalon ken residente ti Mankayan, Benguet.
Nakumpiskar kenkuana ti dua a pakete ti maatap a shabu nga agdagsen ti 1.30 grams nga aggatad ti nasurok P8,800.
Nakumpiskar pay iti ikotna ti tallo a pakete a naglaon ti mapapati a shabu residue, maysa nga improvised toother, maysa a lighter ken ti cellphone nga inaramatna a nakitransaksion iti operatiba.
Narekober metlaeng iti ikotna ti naaramat a buy-bust money.
Iti agdama, sumangsangon daytoy iti kaso a panaglabsing iti Comprehensive Dangerous Drugs Act of 2002.
