--Ads--
Napasamak ti structural fire iti maysa a pagtaengan sadiay Villalon St. Upper Engineers Hill itay 2:45 iti malem, June 1, 2025.
Iti pannakiuman ti Bombo Radyo kenni Fire Officer 3 Benjie Cuyan, iti Bureau of Fire Protection-Baguio, kinunana a nangrugi ti nasao nga uram iti dressing room iti maikatlo a kadsaaran ti nasao a pagtaengan.
Nupay kasta, dagus metlaeng a naideklara a fire out daytoy iti 3:05 pm ita metlaeng nga aldaw.
Sigun kenkuana, awan ti nadangran ngem dagiti laeng badbado dagiti bumalay ti nauram.
Manarimaan metten ti kanayunan nga imbestigasyon tapno maammuan ti pudno a rason ti nasao nga uram.
