Mataktakaw dagiti sumagmamano a bubong dagiti sumagmamano a sementerio iti public cemetery iti siudad.
Gapu iti dayta, agrekreklamo dagiti sumagmamano nga indibidual kalpasan a maatap a natakaw dagiti bubong ti tanem ti ipatpategda iti biag.
Iti panakiuman ti Bombo Radyo kenni Rodolfo Ligligo, kapitan iti Barangay San Luis Village, nakaawatda iti ado a reklamo seknan iti nasao a banag.
Sigun iti kapitan, agtultuloy ti panangbantayda iti public cemetery nupay kasta, gapu iti kinuakurang dagiti admin. ket saan unay a mabantayan ti sementeryo.
Kinuna ti nasao nga opisial a dagiti kangrunaan a mapukpukawan iti bubong ti pancheon wenno tanem ket dagiti awanan iti alad.
Gapu iti dayta, naituding a maangay ti panagtaripnong dagitoy kadagiti contractor tapnu maipaayan dagitoy iti akem a tumulong tapno mamintinir ti peace and order iti nasao a barangay.//Bombo Noveh Organo
