--Ads--
Inkari dagiti Manufacturers ti basic necessities ken prime commodities a saanda nga agpangato ti presyo iti sumaruno a 30 nga aldaw.
Kagiddan daytoy ti panagngato ti presio ti petrolyo, gapu iti agtultuloy a tension sadiay Middle East.
Nagpagnunumuan daytoy kabayatan ti panagtataripnong da Trade Secretary Ma. Cristina Roque ken dagiti 21 a manufacturers ti dilata, tinapay, bottled water, instant noodles, kape, sabon, condiments ken kandila.
Sigun iti Department of Trade and Industry (DTI), panggep ti nasao nga addang a salakniban dagiti konsumer manipud iti dagus a price shocks bayat ti agtultuloy a panagngato ti presyo ti petrolyo a mangapektar met kadagiti manufacturers dagiti kangrunaan a gagatangen.
