Umap-apela ti tulong iti gobierno ti Pilipinas dagiti sumagmamano a Pilipino a biktima iti “wildfires” idiay Angeles, California.
Karaman gamin dagiti Pilipino ken Filipino Americans kadagiti naapektaran iti nalawa a wildfires idiay Los Angeles, California ken dumawdawat dagitoy iti tulong.
Kiddawda ti tulong a kas iti makan, danum, bado ken nalaka a “rooms for rent” para kadagiti biktima ti uram.
Iti agdama, dumanon iti 16,000 nga ektaria ti daga ti nauram ken agtultuloy nga agramramaram ti uram.
Mapatta-patta a 1,000 a balay ti nauram, ken nabiktima metlaeng dagiti sumagmamano nga artista idiay Amerika.
Sigun iti Los Angeles County Fire Department Chief Anthony Marrone, lima ti naireport a pimmusay.
Saan pay nga ammo ti Philippine Consulate idiay Los Angeles nu mano a Pilipino ti naapektaran iti wildfire.
Sigun iti Public Diplomacy & Information Section of the Philippine Consulate idiay Los Angeles, awan pay ti maaw-awatda a request para iti tulong ngem nainget ti panangmonitorda iti kasasaad sadiay.
