Manamnama a makaawat iti tablet computers dagiti sumagmamano nga estudiante iti Highschool a nakaenrol iti Open High School Program (OHSP), basic literacy program iti sidung ti Alternative Learning System (ALS) ken dagiti estudiante nga agnanaed kadagiti lugar a nalaka a maapektaran kadagiti peggad ken onsite class suspension.
Malaksid kadagitoy, maikari a maipaayan dagiti estudiante nga adda iti sidong ti accreditation ken equivalency programs para iti elementaria ken junior high school.
Sigun iti Department of Education, nangilatang dagitoy iti P273 Million a pondo para iti panakagatang iti agarup sangapulo ket walo a ribu a tablet computers.
Naibasar ti computation of costs iti bilang dagiti estudiante iti disaster-prone areas ken dagiti nakaenrol iti Open High School Program (OHSP) ken Alternative Learning System (ALS).
Sigun kenni DepEd Undersecretary Gina Gonong, maiwanwan ti pannakausar dagiti nasao a gadgets babaen kadagiti agdama nga order ti Deparment of Education.
Malaksid iti dayta, nabilin dagiti school heads para iti safekeeping dagiti tablets babaen ti pannakitinnulong ti school property custodian ken manursuro.
