Impakaamo ti Philippine National Police (PNP) a na-reshuffle ti dadduma nga opisial iti nagduduma a kangrunaan a posision kalpasan ti mandatory retirement ti dua a pulis.
Sigun iti pannakangiwat ti Philippine National Police a ni Police Brigadier General Jean Fajardo, nagretiro manipod iti serbisio ni Police Region Office (PRO) Caraga chief Police Brigadier General Alan Nazarro.
Gapu iti dayta, nadutukan ni sigud nga Aviation Security Group (AVSEG) director Police Brigadier General Christopher Abrahano kas officer-in-charge ti Police Region Office (PRO) Caraga.
Kas kasukat ni Abrahano, nagtugaw ni sigud a Police Region Office (PRO) Calabarzon deputy regional director for administration (DRDA) Police Brigadier General Christopher Abecia kas baro nga officer-in-charge ti Aviation Security Group (AVSEG).
Kabayatanna, nagretiro metten ni PNP Headquarters Support Service (HSS) director Police Brigadier General Radel Ramos manipod iti serbisio.
Gapu iti dayta, innala ni Police Brigadier General Ramil Montilla ti Directorate for Police Community Relations (DPCR) ti HSS kas officer-in-charge.
Kas kasukat ni Montilla, nayakar iti DPCR ni sigud a PRO 7 DRDA Police Brigadier General Roy Parena.
Ni sigud a PRO 11 DRDA Police Brigadier General Dionisio Bartolome Jr. ti nangsukat ken ni Parena kas PRO 7 DRDA.
