--Ads--
Saan paylaeng a nalawag kenni President Ferdinand “Bongbong” Marcos Jr. no siasino ti mangsukat kenni Benhur Abalos kas secretary ti Department of the Interior and Local Government.
Daytoy ket gaputa agkandidato ni Abalos ti kinasenador iti midterm election inton sumaruno a tawen.
Sigun kenni President Marcos Jr., dua nga indibidual iti adda ti listaanna.
Nupay kasta, kinuna ni President Marcos Jr. a bay-anda paylaeng ni Abalos gaputa saanda kayat a mariknana a papanawen daytoyen iti puesto.
Immunan a kinuna ni Abalos nga addan ti nadamaga a posible a kasukatna iti DILG.
Iti baet a saanna nga innaganan, kinuna ni Abalos a ti desision ket agtaud iti Presidente.
