Kumpiansa ti Philippine National Police(PNP) a nabayadan dagiti gunmen iti napasamak a panakaambush ni Shariff Aguak Mayor Datu Akmad Ampatuan Sr. agsapa idi January 25.
Sigun kenni PNP spokesperson Police Brigadier General Randulf Tuaño, rumrumwar kadagiti ebidensya nga agkakabagyan dagiti suspek.
Sigun kenni Tuaño, posible a kinontratada ti nasao a panagatake.
Maibasar iti imbestigasyon, naduktalan a ti kangrunaan a suspek a nabigbig iti alyas a Raprap ket siguden nga addaan iti criminal record mainaig kadagiti daduma a nadadagsen a kaso.
Maipalagip nga idi Domingo ket nakalasat ti nasao a local chief executive manipod iti rocket-propelled grenade (RPG-7) a nairanta a mangpabettak koma iti naglugananna.
Nupay kasta, saan a nagballigi dagiti suspek a mapabettak iti lugan.
Rumrumwar a ti nasao nga insidente ti maikatlo itan a gundaway a naambush ti nasao a mayor ken maikatlo metten a gundaway a nakalasat daytoy.
Mainaig iti dayta,nangbukel ti kapulisan iti Special Investigation Task Group a mangtutok iti nasao a kaso.
