BAGUIO CITY – Ad-adda manen a nanayunan ti presyo dagiti produkto a petrol ita a lawas ken manamnama pay a manayunan daytoy kadagiti sumarsaruno a lawas.
Gapu iti dayta, adun a transport group iti nagkiddaw iti pannakasuspindir ti excise tax kadagiti produkto ti petrolyo
Nupay kasta, arigna nga awan iti makitkita wenno mangmanggeg iti Department of Energy (DOE) nu anya dagiti ar aramiden dagitoy tapnu maksayan ti epekto ti panagngato ti presyo ti nadakamat a produkto kadagiti umili
Marigrigat nga umili dagiti kadawyan a maap apektaran iti panagngato ti presyo ti gasolina, diesel ken kerosena ngem agingga iti agdama ket awan pay ti naiwaragawag a panggep seknan iti pannakasuspindir ti excise tax iti petrolyo.
Nakalanad iti Tax Reform for Acceleration and Inclusion (TRAIN Law) a mabalin a masuspindir ti buis kadagiti petrolyo iti kanito a dumanon iti $80 tunggal bariles ti langis
Iti agdama, dumanonen iti 100$ ti presyo ti tunggal langis iti sangalubungan a merkado, sobra nu idilig iti 80% a nakalanad iti nasao a linteg isu a rumbeng laeng a masuspindir ti nasao a buis
Iti baet ti dayta, kinuna ti Department of Finance a saan a rumbeng daytoy.
Iti linawas nga oil price hike ket maigididdan iti panagngato ti presyo dagiti kangrunaan a gagatangen iti merkado.
Malaksid iti dayta, manamnama nga agbalin a karit iti publiko iti posible a panagngato ti pamasahe kas iti kiddaw dagiti transport group gapu iti nasao a parikot iti presyo ti petrolyo
Napasamaken ti panagngato dagiti gagatangen iti merkado ken adda ita ti agur uray a mangparigat manen iti bulsa dagiti umili.
Iti agdama nga awan pay iti mapanunut ti DOE a wagas wenno solusyon, rumbeng laeng a suruten ti kiddaw dagiti umili a temporarryo a pannakasuspindir ti excise tax agsipod ta isu paylaeng iti makitkita dagiti kaaduan a solusyon iti nadamat a parikot.
