SWEDEN – Maidia-diaya ti P5 per sqm a daga idiay Sweden.
Panggep daytoy a mapaadu ti populasyon gapu ta bimmaba ti ekonomiya ket bimmanayat ti population growth bayat ti panaglabas ti panawen.
Sigun kenni Johan Månsson, mayor ti Götene, nabannayat ti housing market iti rehiyon dagitoy isu’t gapu na nga ilaklako da ti 30 a lote sipud pay idi Mayo.
”We’re also seeing low birth rates and an aging population so we have to do something, bring more people here.”
Johan Månsson, Mayor of Götene, Sweden
Sigun kenkuana, nagatangen ti uppat a lote iti one krona wenno P5.59 nga addaan kalawa a 700-1,200 square meters.
Kinuna pay ni Månsson a ti balor ti panangibangon ti balay ket dumanon iti 3 agingga 4 million krona wenno P16 million agingga P21 million bayat nga agbalor ti lote iti 500,000 krona wenno P2 million.
Iti agdama, nakalukat paylaeng ti espasyo iti publiko nu sadino mabalin a gatangen dagiti saan a residente ti Sweden wenno mangpangpanggep a permanente nga agtalinaed sadiay.
Pagdesisyonan metlaeng ti Swedish government dagiti visa rules.
Malaksid iti panakailako ti 30 plots, kinuna pay ti mayor a pangpaggependa ti cheap house sale a kapada ti “one euro” houses idiay Italy.
