Namnamaen dagiti empleyado iti gobyerno nga adda ti ngumatoan ti sweldo dagitoy inton umay a tawen.
Mangrugi inton Enero 2025 ket adda ti makita dagiti empleyado ti gobyerno iti paycheck wenno payslip dagitoy a panagngato iti sweldoda.
Daytoy ket kalpasan a nangilatang ti Department of Budget and Management (DBM) iti P70 billion manipud iti naisingasing a P6.352-trillion 2025 national budget para iti panagngato ti sweldo dagiti government workers.
Dinakamat ti nasao nga ahensiya nga ado a government employee ti agnumar iti wage hike pakairamanan dagiti 165,007 a sub-professionals; 1,170,647 professionals kas iti mannursuro ken abogado; ken 22,640 personnel iti executive functions.
Maibasar iti datus ti Budget Department, 1.943 million ti bilang dagiti government employees a permanente iti posisyonda pakairamanan ditoy dagiti civilian ken military/uniformed personnel.
