BAGUIO CITY – Natiliw ti tallo a lalaki kabayatan ti pot session dagitoy sadiay Ay-en Subdivision, Barangay Dagupan West, Tabuk City, Kalinga idi kalman, May 26, 2022
Nabigbig dagitoy a da Charles Licudine Bonilla, 24-anyos; Lorenzo Buston Bulawit, 28; ken Christopher Galingan Madarang, 24-anyos nga agpapada a nailista kas high-value individuals iti iligal a droga.
Maibasar iti report, naiyuman iti Tabuk City Police Office ti manarimaan nga shabu session iti maysa nga pagtaengan iti nasao nga subdivision.
Balligi a narekober ken kinumpiskar dagiti otoridad ti 3 a pidaso transparent sachets a naglaon ti mapapati a shabu ken nagduduma nga drug paraphernalias.
Manamnama a mapilaan dagiti suspek iti kaso a panaglabsing iti RA 9165 wenno ti Comprehensive Dangerous Drugs Act of 2002.
