Natiliw dagiti tallo a maatap a nangangato nga opisyal ti New People’s Army idiay Barangay Manag, Conner, Apayao idi kalman, Oktobre otso ti agdama a tawen.
Nabigbig dagitoy a da Alias Sam, Commanding Officer ti Regional Sentro De Grabidad (RSDG) iti ICRC; Alias Tanya, Political Instructor ken Alias Annie, Organizer ken head of education ti kimmapoy a Guerilla Front, Kilusang Larangang Guerilya Baggas.
Natiliw dagitoy babaen iti nagtipon nga operasyon ti Philippine Army ken ti Philippine National Police idi laeng kalman.
Impeksa met ni 5th Infantry Division Commander Major General Gulliver Señires a dakkel a tulong ti pannakatiliw dagiti lider ti New Peoples Army iti pannagsisina dagiti nabatbati a miyembro ti guerilla fronts iti Amianan a Luzon.
