BAGUIO CITY – Nakemmeg ti tallo nga indibidual gapu iti panangibyaheda iti marijuana manipod Tinglayan, Kalinga agingga Tabuk City.
Maibasar iti report, dagiti suspek ket dua a lallaki a residente ti Subic, Zambales ken Novaliches City ken maysa a babai a residete ti Sitio Ruhat 4, Masbate Province.
Natiliw dagitoy iti naisayangkat a police checkpoint sadiay Dinakan, Lubuagan, Kalinga kalpasan a nakaawat dagiti otoridad iti imporasyon seknan iti panangibyahe dagitoy iti marijuana.
Iti naisayangkat nga imbentaryo, naala manipod kadakuada ti uppat a pidaso ti mapapati a tubular marijuana leaves ken stalks nga agdagsen iti nasurok kumurang 4,000 grams nga aggatad iti 480,000, maysa a marijuana dried leaves, dua a pidaso ti grinder a naglaon iti residue ti marijuana, 3 a selpon, laptop ken lugan a naaramat iti panagbyahe dagitoy.
Gapu iti dayta, sumangsango itan dagiti suspek iti kaso a panaglabsing iti RA 9165 wenno Comprehensive Dangerous Drugs law of 2002.
