Nakemmeg ti tallo kadagiti uppat a suspek a karaman iti pannakapaltog ti maysa a College graduate idiay Pantukan, Davao de Oro idi June 25, 2026.
Sigun kadagiti otoridad, ginandat ti maysa kadagiti suspek nga i-hostage ti bukodna nga anak bayat ti pannakaarestar daytoy.
Nupay kasta, dagus a pinakalma dagiti otoridad.
Kabayatanna, naarestar metlaeng ti dua a kaduana bayat nga agtultuloy a birbiruken dagiti otoridad ti maikappat a suspek a maatap a partner ti biktima.
Napasamak ti insidente idi Huebes no sadino, uppat a daras a napaltogan ti biktima bayat nga adda iti uneg ti maysa a minivan.
Nakalasat ti biktima ken addan iti nasayaat a kasasaad.
Manarimaan paylaeng ti imbestigasion ti pulisya iti motibo ti napasamak nga insidente.
Kitkitaenda metlaeng ti posibilidad ti personal a panagsusupiat wenno love triangle.
