Inwaragawag ni Department of the Interior and Local Government (DILG) a babad iti “deep dark web” ti shooter iti insidente ti pammaltog iti Banga National High School sadiay South Cotabato a nakatayan ti tallo nga estudiante.
Sigun kenni DILG Secretary Jonvic Remulla, ti dark web ti posible a nangimpluensya iti shooter.
Innayon ti opisial a naduktalan iti cellphone ti shooter dagiti sumagmamano a notes a nakadetalye ti depresyon daytoy.
Pinadas dagiti nagannakna a risuten ti nasao a pakaseknan, kalpasan a nadiskobreda idi Abril 2026 ngem maatap a nagkurang.
Kabayatanna, binalakadan ti hepe ti DILG dagiti nagannak a sukimatenda no anya dagiti ar-aramiden ti annak dagitoy iti social media, ken no anya a website ti kitkitaen dagitoy.
“Tingnan ninyo. It is not a privacy issue. Anak n’yo yan. Nalulublob sila sa malalalim at madidilim na websites,” sigun kenni Remulla.
